منتديات شط العرب

أهلاً وسهلاً بك بمنتديات شط العرب

انت الان زائر يرجا منك تعريف نفسك وتسجيل معنا

اسره منتديات شط العرب
منتديات شط العرب

منتدى عربي عام ترفيهي تجد كل جديد وممتع ومفيد معنا هنا

 لوحة شرف المنتدى لهذا الأسبوع 

 
قريبا
قريبا
قريبا
قريبا

    هنا الرمــــــــان! .. غزلـــــ

    شاطر
    avatar
    حيدر المجراوي
    مدير المنتدى
    مدير المنتدى

    عدد المساهمات : 636
    نقاط : 1892
    تاريخ التسجيل : 19/10/2010
    العمر : 27
    الموقع الموقع : http://hyder.a7larab.net

    هنا الرمــــــــان! .. غزلـــــ

    مُساهمة من طرف حيدر المجراوي في الجمعة أكتوبر 29, 2010 5:23 pm

    ياكَيمــــــــــــر الســـدّه ويا لبن اربيل
    هنا الرمان ! عمي شعــــدنه بديـــالى
    كل عاقل يشوفــــك .. بيه خـلل خليت
    والعنده خلل شتخـــلي بخبـــــــــــاله؟
    ياتل الورد لتلوم كل عــــــــــــــــريان
    الف كَاطع عليـك مبهذله احــــــــواله
    اتحدّه .. لون مروك بالسيــــــــــــــاب
    فنها البصــــــــره بعدك تلكَــــه تمثاله
    ويطحين الصفر يازبد يكلــــــــــوكوز
    من كَد ما عسل سمــّــــــــــوك عساله
    نعثل .. يابه (حصـــــرياً) عليك تجوز
    غيرك ياهو غيرك كلـــــــــــهم انخاله
    يم روجات شعــرك ابن ماجـــه يضيع
    وكولمبس توهــــــــــــدن صار رحاله
    ولان ثلثينك انت من الشمـس مصنوع
    نكَللها شمس وتكَلها .. ياخــــــــــــاله
    جسم كله وجه كتلة ضوه اعلـه الكاع
    نخلي الاله يمّه .. تغــــــــــــوّش الاله
    حلكَ .. دربه انكَلب لمن سحــــــكَ بيه
    شرب ظله و سكر في خمـــــرة خياله
    وشبع بوس الهــــــــــــوه لمن يلاكَيه
    خيعون الهوه .. ومليـون هـــــــــنياله
    من عدّه الكَمر دنكَ طــلب شبـــــــرين
    لان قصّر ضواه يريــــــــــــــد تطواله
    كل ظنه عليه يفرض حظــــــر تجوال
    غم راي الحجاب وحظـــــــــر تجواله
    شرارة ثوره جسمك والشعـب بالضيم
    وشغل ثوبك فقط يستنكــــــر الحـــاله
    البطاله البلبد تمحيها مــــــــــن تفوت
    تشغل الشعب (عيـن) منين بطـــــــاله
    فندت الروايه الظلمت التفــــــــــــــاح
    ونيوتن تبرّت منه اقــــــــــــــــــــواله
    حمل صدرك تحده السرعـه والتعجيل
    وذل الجاذبيه بطـــــــــــــــول ترحاله
    امس دلال عدنه ومــــــــن دره الدلال
    عاف اضلوعه يمك صـــــــــــار دلاله
    ينون النسوه خـــربت بعدك النســوان
    الشاف الذهب .. شـيرده لخشــــــاله؟
    ياآبي الجمال .. منين! وشخـــــــــليت
    اذا كلش نجامل .. ظلت وشـــــــــــاله
    النحّاله .. فقط بس الذي جابــــــــــوك
    بعد امك وابوك .. الباقي فجـّـــــــاله
    يامدري شتبين .. يااشكـــــــال الوان
    ياكلشي وكلاشي شعــــــــندك اچماله
    شكر.. شيره .. شهـد .. شربت .. شـوصـف بيك
    اختصارا للوصف ماخذهن.. كَبـــــاله

      الوقت/التاريخ الآن هو الإثنين مايو 01, 2017 12:46 am