منتديات شط العرب

أهلاً وسهلاً بك بمنتديات شط العرب

انت الان زائر يرجا منك تعريف نفسك وتسجيل معنا

اسره منتديات شط العرب
منتديات شط العرب

منتدى عربي عام ترفيهي تجد كل جديد وممتع ومفيد معنا هنا

 لوحة شرف المنتدى لهذا الأسبوع 

 
قريبا
قريبا
قريبا
قريبا

    بــــــــــــــعدي عنـــــــــــــّي

    شاطر
    avatar
    حيدر المجراوي
    مدير المنتدى
    مدير المنتدى

    عدد المساهمات : 636
    نقاط : 1892
    تاريخ التسجيل : 19/10/2010
    العمر : 27
    الموقع الموقع : http://hyder.a7larab.net

    بــــــــــــــعدي عنـــــــــــــّي

    مُساهمة من طرف حيدر المجراوي في الجمعة أكتوبر 29, 2010 5:11 pm

    ...... بعدي عني
    ..............


    بعدي عني.......... والوكت ما يوم جرني
    بعدي عني...........
    آنه عمرت الدروب أرمال لجدام الهجرني
    ولبست تاج السماحه
    وجرح نازف
    وتركت حجي الكباحه
    وآني بالجتال عارف
    وانتي يابخت الجليل اشوهدنج ضني انهبلتي
    بعدي عني .......
    .............
    بعدي عني الثوب ثوبي النار ناري ورد أوجها
    بعدي عني البيت بيتي بيدي اهدمه ابلايه وجها
    ماأرحب باليجيني
    خافن أيهزني ونيني
    وانتي لاعينج رأت لايوم بآذانج سمعتي
    بعدي عني
    ..........................

    يلكتلتي أحلام روحي ابلاية رأفة
    واستخفيتي ابهواي ابعين صلفه
    كتلج التاريخ ينعاد ابسنينه
    أوكتلج المجروح هم يبطل ونينه
    ضحكتج جانت جبيرة اومافهمتي
    بعدي عني
    ................
    روحي يالغرج جمالج والورد يذبل جماله
    كتلج احنه ارموش عين وانت كلتيلي محاله
    ابيا درب جيتي أعلى بابي
    توني طويت الجوادر...
    ونتهت لوعة عذابي
    شكك اسنون العرد جدمج أوهسا انتي رجعتي
    بعدي عني ...
    ...............
    بعدي عني الراح راح أوماكو ماي ابشط محبتي
    وذبت أثياب الحزن اجروفي من نشفت دمعتي
    يبس عودي وهذا حالي
    امصابي سالوفة ليالي

    وهسه آني اطّعمت من مرض حبج ما عرفتي
    بعدي عني
    .............
    قمت دعوه أعلى الكلب واطرته من صدري نهايه
    وحبج المشاني بدروب المذله امن البدايه
    ادري بالحب نهر طيبة
    الوفي ايرده حليبه
    أو ذاك حجي المدح
    ثلج ابمنحدر يالما وكفتي
    بعدي عني
    ................
    بعدي عني أمس ردن للشجر جمع الفخاتي
    اتنادسن جنهن عليه وسمعن ابيوم امنياتي
    كلت سري بيه غنن
    مايهمني حيل اعلنن
    جنت أغطيها بحناني وبعّدت ما كان آتي
    بعدي عني
    ....................
    سومرت اجروح أمس وخيوطها بيدي اسحبته
    وحتى دشداشة ضمير العوز بعنادي رفته
    ما خفت مركوعة منحجي الشماته
    وألبستها بيوم هيجه والوكت أعلن وفاته
    وشيعوا كلب المحب بجنازة وانتي ما طلعتي
    بعدي عني

      الوقت/التاريخ الآن هو الإثنين ديسمبر 11, 2017 5:28 pm